انا اللقيط

انا اللقيط

نعم انا ذالك الرجل اللقيط ..مجهول النسب لم اعرف من والداي ولن اعرفهما ماطال عمري

نعم انا ذو الخمسون ربيعا ويزيد والشعر االرمادي والتجاعيد التي تسري في جبيني سريان الماء بين اصابع الكف الواحد

ها انا ذا لا اخجل ان اقولها عالية مدوية انا اللقيييييييييييييييييييييييييط _امام مرآتي _ فقط

هنا فقط اواجه نفسي وحقيقتي كل يوم وكاني اتعرف عليا من جديد

ثم تقبع في اعماقي تتوارى عن الناظرين لنهاية اليوم

وتاتيني في الصباح تجدد تذكيري بحقيقتي كللللل يوم

: صباح الخير يا لقيط....

::صباح الخير مرايتي العزيزة

: قايم بدري يعني النهاردة ومظبط حالك يا عم وبتبص بعين ونص وتبحلق ايه اول مرة تشوف نفسك ولا عندك مقابلة وجو في الجو النهاردة ولا كنت بتحلم حلم حلو ولاايييه؟؟

::اسكتي بقي ما انتي صحتيني ع الصبح وقلتيلي الحقيقة المرة

:حقيقة ايه انا قلت حاجة انت هتتبللا عليا ؟!

::ايوة يا سيتي انا لقيط لقييييييييط ارتاحتي عندك مانع ؟

: هههههههههههه لا معنديش ولا عندي حل لكل موزززة تسيبك وتخاف علي مستقبلها منك

اصل العرق يمد لسابع جد وبيني وبينك مش سهلة برضه ولا ايييييه....؟؟؟؟!!!!

:: اسكتي بقي اسكتي والله انا غلطان اني مخليكي عندي انا هاكسرك مليون حته واحرقك

: ههههههههههه قديمة كام مرة قولت ولا نفذتش انا وانت ملناش غير بعض

: لقيط ولقيطة هههههههههههههههههههه

:خلص خلص انجز يا عم احلق وشوف نفسك برضه هترجعلي بعد كام ساعة مدلدل ودانك

::لا مش هارجع مهزوم تاني مش هاوطي راسي تاني مش هامشي وانا باداري عاري

::انا مظلوم ليه مش عايزة تصدقي اني مليش ذنب طب ما انتي لقيطة ليكي ذنب بقي ؟

::مين ابوكي مين امك مين اللي عملك ورماكي بين ايدين الناس تلطش فيكي

: معرفش يا اخويا بس ع الاقل جيت انت واشتريتني ولقيت معاك بيت يلمني بدل قاعدة الارصفة بس انت بقي مين هيشتريك ؟؟

:: حبيبتي مراتي الست اللي هتشوفني مظلوم مليش ذنب ان امي وضيعة وابويا سكير

::الست اللي هتمسك في ذراعي وتمشي معايا وهي رافعة راسها لفوق وكانها بتقول للناس انا فخورة بجوزي وميهمنيش انه....ل ق يـ ط ... اااااااااااه لقيييط

::انا عارف اني لقيط بس انا اشرف اي عائلة ادخلها انا دكتور في اكبر مستشفيات البلد ولديا شهادات تقدير مالية حيطان عيادتي وبيتي وابحاثي بتدرس في الجامعة الان انا صرح ووثروة علمية

: هههههههههههه ومين بقي هيقدر الثروة دي؟؟ انت عايز واحدة مقطوعة من شجرة وعندها استعداد تتحدى العالم عشانك

:ومش عايزة حتى تعرف حد غيرك وخلي بيتكم بقي مكتوب عليه ممنوع الاقتراب

:: هالقيها وبكرة تشوفينا واقفين قدامك ومعانا اولادنا كمان ووقتها هارميكي م الشباك

: ههههههههههههه ابقي قابلني ..... انت مش حاسس عندك كام سنة ده انت قربت م الستين هتلاقيها امتى ابقي

وانت رايح تدفن ؟؟

::اسكتي اسكتي بقي ارحميني ايوة لقيط لقيط لقييييييييييييييييييييييييييييط

::طول عمري لقيط طول عمري من ايد لايد طول عمري بيلطش فيا خلق الله وبيهرب مني الاصحاب وكاني عدوى خايفين تصيبهم طول عمري ماليش مكان ماليش عنوان ماليش وسط الناس حقوق

::طفل جميل بس غلبان يا عيني يبصوا عليه ويتصعبوا اما يزروه لكن مستحيل يعيش معاهم ولا يلعب مع عيالهم ولا ياكل وسطهم

::اه يعطفوا عليه لكن يبقي زيهم لالالالالا

::ايوة انا لقيط وهافضل طول عمري لقيط

::بادفع ثمن شيء معملتهوش وذنبي في عيون الناس كبير وانا ما ارتكبتوش

::ايوة لقيط بس ليه وفين ابويا وامي ومين هم

::عارفة لو اعرفهم

:هترجمهم ولا تجلدهم

:: بالعكس انا هاسامحهم واعيش معاهم ويكونلي عائلة ولو كانوا مييين

::بس ابقي ولو ليوم واحد مش لقيط

::نفسي اعيش حر من غير قيود من غير ما اخاف ويخاف مني الناس

::نفسي اعيش لساعة وانا مش لقيط

::نفسي اعييييييييييييييش

البنت زززززي الولد ( 4 6 4 )

البنت زي الولد مبدأ اتربينا عليه مافيش فرق بين ولد وبنت

الغريب اننا اتربينا علي الكلام ده بدون ما نسمعه

جوانا فاهمين كويس جدا ان البنت مش زي الولد وان فينا من الضعف اللي يفيض علي كل اقوياء العالم

ويجعل هرقل مثلا في ضعف نملة سليمان وحذرها

البنت زي الولد اسلوب تربية بتدفع ثمنة البنت دايما للاسف

الاب بيربي بنته علي ان لها شخصية ولها رأي في ادق تفاصيل الحياة وياخذ برأيها ويعظم طريقة تفكيرها ويتحول الحوار بينهم من الامر والنهي الي الاخذ والعطاء والرفض والنقاش

الام بتصاحبها جدا من باب ان كبر ابنك خاويه ومن خوفها عليها ولضعفها الداخلي كمان

لكن مع الوقت بيكونوا اصحاب بجد وبتذوب الحدود والفواصل بينهم وبتذوب الرهبة من الام وتتحول حين تجمدها مرة اخري الي ود ومحبة من نوع جديد من نوع محبة الاصحاب

وخلال الاحداث دي بيكون الاب والام فخورين ببنتهم ولنضج تفكيرها وحيويتها وثباتها في التعبير عن رايها وتحمل مسئوليته كمان ومع تقدم العمر بتتعود البنت علي الطريقة دي وتواجه بيها حياتها

انما ايه يا تري بيكون جوا البنت ؟؟

محدش فيهم فكر يا تري هي سعيدة لطريقة تربيتها دي ؟؟

هل سعيدة لان لها رأي ؟

هل سعيدة لان لها شخصية مستقلة ؟؟

طيب واذا سعيدة بكل ده هل يا تري المجتمع المحيط بيها خارج الاسرة لا بل خارج الاب والام فقط هل يتيح لها فرصة البقاء علي نفس نهج تربيتها ؟؟

هل يستوعب الاخرين هذا؟

ليكن الجميع سعداء بما قدمه الاب والام من فتاة ناضجة لها فكر وشخصية مستقلين عن اي آمر او ناهي

انما المشكلة الحقيقية اذا البنت اللي اتربت بطريقة البنت زي الولد ( 4 6 4 ) ولم تسمعها قط وانما قد تكون سمعت ما يعاكسها تماما من ان ياريت كان لي ولد كان وقف جنبي وانتي برضه مهما كنتي بنت ومش كل شيء تقدري عليه

هل البنت دي فعلا بالقوة التي تجعلها زي الولد ؟؟

طبعا مش باقصد القوة الجسدية

اسمحولي اعبر عن رايي في التربية دي بجد واللي للاسف اتربيت بيها وفضلت سعيدة بيها عمري كله

لحد ما اصبحت باواجه ضغوط خارج اطار الحياة وسط ابي وامي رحمهما الله

لاول مرة بعد وفاة ابي اجدني مجرد انثى ترتدي قنااااااع من القوة

نعم مجرد قنااااااااااع

كل ما فعلته بحياتي كل ما نضجت عليه كل ما اسعدني مجرد استماع اسرتي اليه فعلته وانا ارتدي قناعي الزائف

قناع القوة واللا مبالاه والثقة الزائفة بالنفس

الان حين ادقق النظر في نفاصيلي الداخلية اجدني مجرد انثي مجبرة علي التعايش مع ضعفها الذي ترفضه تمام الرفض

وتعيش بين شقي الرحى ...القناع الذي ارتدته طوال حياتها وضعفها الذي يثير داخلها آلآم لا حصر لها

منتهي التناقض ان تعيش بقناع القوة وداخلك اضعف ما يمكن فتتصرف مع كل ألم وكأن شيء لم يكن ولكن داخلك يؤثر الالم بل يعتصرك عصرا

للاسف حين واجهت بنات جيلي وطبعا مش كل الجيل انما كل البنات اصحابي اللي اتربوا بنفس الطريقة ( 4 6 4 ) البنت زي الولد ... اكتشفت انني لست الوحيدة من هذا النوع المقننع بل ان لكل منهن قناع والغريب انه قناع من القوة بتتصرف من خلاله مع كل صعاب الحياة

الاغرب بقي ....

.....

.....

اني ولا فخر طبعا

الوحيدة بينهن التي اعترفت بذلك وقالت وبعلو الصوت

عايزة اروح لطبيب نفسي يا جماااااااااااااعة

انا عايزة اعيش صح

بدون قناع ايه يعني اني اكون ضعيفة ويتقبل اللي حواليا ده ما اناقوية في موقف اخر ليه يعتبروني بوشييين ؟؟

ليه دايما مطلوب مني اكون قوية في كل المواقف ومفيش مكان لضعفي هو احنا مش بشر؟؟؟

اما رد فعل بنات جيلي كان علي طريقة تربيتهن (( لالالالا اوعي انتي مجنونة عايزانا نبان ضعفاء لا يا بنتي انتي كده هتروحي في الرجليين))

وهتلاقي نفسك وقت ضعفك مضحوك عليكي ووقت قوتك متربص بيكي

واللي يعتبرك مجنونة
واللي يعتبرك شيطانة بتتمسكني لحد ما تتمكني

واللي يعتبرك ملاك ويضغط اعصابك لحد ما تطقي من جنابك

واللي واللي واللي

اما ردي فبأعلنه الان عبر المدونة

لكل من لم يقرأ التعريف الخاص بيا

انا لست شيطاانا ولا ملالالالاكا

انا بشر

اخطئ واصيب

اضعف واقوى

اتألم كاي كائن حي

لي حقوق وعلي واجبات

اريد ان احيا مجرد حياة بشرية طبيعية بها كل التناقض ولكن تناقض متنااااااغم لا تناقض مؤلم يؤخذ عليا

ياتري بأطلب حياة غير موجودة في دنيتنا ؟؟؟

رمضان بداية ونهاية

كل عام وانتم جميعا بكل خير
خطر بفكري سؤال بسيط لكن بعمق المحيطات فجأة بدون ترتيب ولا تأمل ولا اي شيء
فجاة نظرت للزينة بالشوارع وتهليل الاطفال بغنائهم رمضان جانا والزحمة الرهيبة في الاسواق
ووجدت سؤال ألح عليا
ياتري رمضان نهاية ولا بداية ؟؟
ياتري بننهي معاه سنة ونبدأ سنة ولا شهر بيعدي وكانه لم يكن؟؟
وايه بيبتدي معاه وايه بينتهي ؟؟

سؤال اكيد كل فرد فينا لديه اجابة مختلفة تماما له

اتمني نراجع احداث حياتنا ببساطة ونبدا شيء جميل يأثر في مستقبلنا وأخرتنا ورؤيتنا تاثير ايجابي وننهي شيء كمان أثر فينا سلبا

كل عام والجميع بالف خير ويارب رمضان سعيد علينا جميعا

حلاوة زمان عروسة حصان

يا ما نفسي اشتري بلونة يا ما نفسي اعمل فيونكة

ارجع طفلة صغنونة واجري اتنطط في السكة

خشب حصاني مرجيحة لكن.... يا ما لف بيا يامااا اماكن

ياااااااااااااااه فين ايام زمان

اما تلاقي كل يوم يمر يقربك اكتر من مجهول ما تعرفوش خايف منه خايف تديله ما تخدش منه

وتلافي نفسك عشان تروح لبكره لازم تروح وعلي عيونك غمامة سوداء عشان ما تشفهوش

اما تلاقي النهاردة اخد من امبارح كتير اوي عشان يجي وتلاقي تفسك خايف لبكرة ياخد النهاردة كله وهو جاي

و تلاقي امبارح كان لمه وعيله واصحاب وناس وحب مبدور في الارض يرتوي بضحكة حلوة يطرح راحة وامان

اما تلاقي الضفاير والكرانيش وبنت بكل براءة تجري في البيت تقول بابا جه بابا جه وتلاقي الاب يحضنها برغم كل همومه وكانه بيقول مافيش مع حب اولادي اي هم

وتلاقي في المطبخ ام كل حياتها انك تاكل وتشرب وتتعلم اصل العلم نور وتشوفك بتضحك تلاقيها واقفه وانت جايب اصحابك فجاة علي الغذا ويمكن البيت اصلا مافيهوش اكل

و تلاقي ابتسامة ترحاب ونظرة عتاب عشان فاجات امك وجبت البنت اللي بتحبها تتعرف عليها وتلاقيها هي اللي محرجة تقابلها عشان البيت مش اد المقام

اما تلاقي اخواتك كل واحد يعطيك شيء اللي من علمه واللي من ماله واللي من ملابسه عشان تظهر ادام اصحابك ال يعني الواد الفتك اللي بيعرف كل حاجة وعنده كل حاجة يوم حفلة المدرسة في اخر السنة

اما تلاقي بيتك اللي اتربيت فيه ولمتك باخواتك والام والاب وسفرة واحدة بتجمعكم في رمضان بدون اوامر ولا منع للافطار بره البيت وتبقي بتفطر وانت حاسس ان اجمل شيء انك ببيتك مع اهلك وانهم مش كاتمين علي نفسك ومضيعين عليك الفطار مع الشلة

اما تلاقي امبارح كله في ذاكرتك احداث بسييييييييييطة بس حلوة اوي وكلها بتلمس قلبك

وتلاقي نفسك فقدت كتير اوي منها لحد النهاردة ان لم يكن كلها وتلاقي بكرة مجهول ومش عارف حتعمل فيه ايه ويا تري هيجي زي ما تحب وهتقدر ترضي بيه ولا نفسك هترفضه وتفضل في نار بين امبارح وبكرة وضايع منك النهاردة

وقتها تلاقي دمعة في عيونك نفسها تنزل بس خايفة تجرح ذكريات امبارح وخايفة يغضب منها بكره

وتفضل دمعة عيونك جواها تعكس اضواء الشوارع وانت بتجري تلحق اللي فاضلك من النهاردة وقلبك بيسترجع امبارح وفكرك بيجري لمجهول بكرة

وصوت خارج من القهوة اللي ياما اخدك معاه والدك وقعد عليها مع اصحابه ونفس الصوت بيكمل الاغنيه وخارج من الكافيه اللي بيقعد فيه ابنك واصحابه ومعهاهم اللاب توب وداخلين علي الانترنت

وخارجة اخر كلمات الاغنية من الكازينوا اللي شاف اجمل ايام حبك

يطل صوت الماضي بكل حنان يقولك

كان ، و كان ، و كان

أولاد و بنات جيران براءة في كل قلب .. و عيون مليانة حب

كبرنا و عدى عمر .. اخدنا لميت مكان !
يا حنين ، يا ذكريات .. يا سنين أحلى الحاجات

نبكي العمر الجاي .. ولا العمر اللي فات !

لو كان بايدينا كنا .. وقفنا سنين زمانا

ليه يضيع العمر منا .. و تعيش الذكريات !

خط احمر

*يرن التليفون .. اهلا فينك مال صوتك

الطرف التاني : لالالا مفيش حاجة انا كنت باطمن عليك بس ( ويبدأ يسرد مواقف يومه )

ترد تقوله :يااااه كل ده حصل طب ليه ؟؟ (طبعا تلاقيه خرج لك كارت اصفر وعليك تفهم ان ..ممنوع تعرف اكتر من كده .. ممنوع نتواصل لدرجة اكبر من كده ......وفجأه : ورايا شوية حاجات مضطر اقفل دلوقت

وقبل ما تقول مع السلامة تلاقي تيت تيت تييييييييييت تسبقك _ قفل طبعا

خطــ احـــــــــــــمــــــــــــــــــــر

*نقابل صديق بالصدفة

ياااااااه الزمن مر بسرعة اوي معقول كنا اصحاب في يوم من الايام ؟؟

يسرح العقل في كل اللي فات وتعيد الذاكرة كل الصور وتمر في الذهن كل المواقف اللي جمعتنا والاماكن والافكار والاهداف

القلب يدق ونبضاته تتسابق تجري وكانها بتجري ورا اللي فات من العمر عايزة ترجعه ( قول للزمان ارجع يا زمان) المهم نتبادل ارقام التليفونات الجديدة ونتكلم وكل واحد يعرف اخبار التاني ويتعرف علي الجديد في حياة الاخر وبعدين وشششششششششششششششششششششششششششششش خلص الارسال مافيش اخبار مافيش اتصال

الحياة بتاخدنا من جديد ونبعد من جديد ويمكن نتقابل بعد سنييييييييييين او لأ طبعا ...

خط احــــــــــمــــــــــــــــر

*يرجع من الشغل زهقان ومكشر وحالته حاله

مالك؟؟ لا ما فيش شيء تعبان شوية من الشغل .. الف سلامة عليك كان يوم متعب للدرجة دي ؟؟

الله يسلمك لا ابدا اليوم العادي بس حصلت شوية حاجات ( عكرت مزاجي )

خير يارب ايه حصل ؟؟؟

انا نازل ومش هأتاخر اما نرجع نبقي نكمل ( الغريب انه اما يرجع بعد قلقها طول الوقت مستحيل نقول كان في ايه).. ونحط الخط الاحـــــــــمــــــــــــر

* الووو ايوة .. ازيك ؟؟ __ الحمد لله

انت ازيك ؟؟ كويس الحمد لله ؟؟ بص معلش انا نايم دلوقت اتصل بيا بعدين ولا اقولك انا اما اصحى هاكلمك بنفسي ( طبعا ده معناه انك متتصلش يا بايخ)

خط احـــــــمـــــــــــر

*يرن جرس بيتك فجاة وبدون ميعاد سابق وانت يا دوب بتحاول تنام بعد يوم متعب اوي ( احيان يكون يوم روتيني وقاعد طول الوقت في البيت لكن حلتك النفسية مش مسعداك تستقبل حد )

تفتح الباب .. اهلا وسهلا شرفتونا .. اتفضلوا اهلا

وبعد السلامات والتحيات يتحول الحديث في لحظات الي سرد عدد من المشاكل لا حصر لها ويا سلام لو كان الضيوف اصلا يا دوب اتقابلوا عشان يطبوا عليك تبقي الزيارة ولا احسن ريبورتاج امام مخبز والناس بتشتكي احتياجها لرغيف العيش وكل واحد يقول حكايته والريبورتاج منقول علي الهوا لبرنامج حواري من اللي لا بيحل ولا بيربط

وبعد ثلاث اربع ساعات تلاقي نفسك هلكان مشوش ونفسك تصرخ وتقول كفاااااااااااية والضيوف لسة يا دوب فاكرين يعتذروا ( كنوع من المجاملة يعني ) عن انهم طبوا عليك بدون سابق انذار

وبعد ساعة كمان تلاقي كل واحد افتكر اللي عنده وقالك سلام وبدون احضان بقي وسلم لي علي الولاد تلاقيه بيقولك حنشوفك امتى تاني ؟؟؟ ابقي اتصل نحدد ميعاد .........!!!!!!!!!!!!!!!!!!!! تقفل الباب بعدهم وانت مستغرب للجملة وعلي شفايفك ابتسامة سخيفة وعلمات التعجب تتزاحم علي وجهك كتييييييييييييييييييير وترجع للسرير ( قابلني لو عرفت تنام )

خط احـــــــــمـــــــــــر

*مالك في ايه ... لا ابدا متضايقة شوية بس ..

ليه ايه حصل ضايقك ده انتي مرتاحة في كل حاجة ايه يضايقك ؟؟ ( طبعا دي وجهة نظر اساسية تكاد تكون قاعدة عامة الكل شايف اللي حواليه مرتاحييييييييييييين)

ترد هي: ابدا شيء بسيط بس متضايقة .. دلوقت ابقي كويسه

الطر التاني : ايوة يعني ليه في ايه حصل ؟؟

هو كل ما حد يسالك تقولي مافيش اومال ليه بتقعدي لوحدك وما بترديش علي التليفونات ودايما نايمة كده ؟؟

ترد : ابدا مش شيء محدد

الطرف التاني :انتي دايما كدة بتحطي حدود بينا عايزة تبقي لوحدك؟ تحبي ابعد عنك خااالص واريحك ؟؟ قولي وانا استاهل اللي يجرا لي لو سالت عنك تاني ....... تاتاتاتااااااام ويهبد الباب ويخرج ...( طبعا ده ممكن يكون زوج او اخ او اب او ام او او

او .).....

رد فعل الخط الاحـــــــــمـــــــــــــر

* وحشتنى اوى كنت فين ؟؟

الطرف الاخر : ابدا

انتظرتك طول الوقت

وتفضل تنتظر ان اي رسالة تيجي باي رد .....

الطرف الاخر: انتى عاملة ايه ؟

الحمد لله

وتفضل هي تنتظر وطبعا الفضول والقلق بيراودها بسؤال ساذج ( انت بتكلم حد مشغوول يعني )

واذا بالرد :لا ابدا عادى بس مش فايق انا هاقفل بقي

وااادي خط احــــــــمـــــــــــر

ويا سلام بقي لو لقاها لسة موجودة وهو قفل وخرج من شبكة الانترنت ...(.طبعا دي فيها مشكلة ان لم تكن طلاق من قبل ما يتخطبوا اصلا)

هي الخطوط الحمراء والخصوصية حق لنا وغير مسموح باستخدامها لغيرنا ؟

( احرام علي بلابله الدوح حلال للطير من كل جنس)

الانتظار والأخر

اجلس بين احضان الليل
يسلبني الصقيع كل شيء
فلا نقاط عطر ولا اهازيج شعر
ولا صدر رحب
#####
يرن الهاتف......
فتضيء الشموع المنزويه
ويهلل قلبي ...تذكرك
وتدمع عيوني فرحاً ها قد اتاكِ

اهرول نحو هاتفي ......... تتلاحق انفاسي
سلام بعطر الحب ابعثه اليك عبر الهاتف.......
وانتظرك... ..... ...... ......
لا هو ليس صوتك ما اسمعه
هو صوت الأخر

يعتذر الصوت.........الأخر
ينقلني لحال........اخر
يعيدني لمكاني......الاخر
ولذكرى زمن..........اخر

تتهدل اهدابي بدموع الالم وتغيم الرؤية
فاصطدم بانتظاري الذي لا ينتهي
ويحتضنني الليل من جديد ..........

########
.... وقع اقدام ... اسمع .... وقع اقدام ب بابي
اندفع نحو مرآتي اعلن في تحدٍ اني جميلة
واضيف بضع لمساتٍ .... وعطر خميلة
ها انا ارتدي اجمل الثياب....ابهي الاوان..اضفر الجديلة
وانصت .. ها قد قربت ..الان بقي ثلاث ...
بل خطوتين ..لا هي واحدة
الان انت امام بابي ستطرق طرقتين
سافتح ...... سارتمي بين ذراعـيـــــــــك
سافصح ... عن حبي و اقبل وجنتيك
سامزق.... قناعي المتعقل لتراني عينيك
من جديد فانا مجنونة بحبك

اواه... لم اسمع طرقة او طرقتين ......!!!!!!!!
ويحي ويح الخطوات ..... تبتعد تكمل الدرجات
أأأأأأأأأأأأأهٍ ........ هي ليست لك
انها خطوات الاخر.....!!!!
خطوات الاخر.... تنقلني لحالٍ اخـر
لمكان اخر
لزمن اخــر
ويمضي الوقت.......
######
أأأهٍ ها قد أ فــــــــ قـــــــــــ ـتـــــــــــــــ ....... فلم تذكرني
او تتذكرني

لم تشتاقني

او ترحم قلبي

ويح قلبي ..كيف لازال يذكـــــرك....؟
ياللمسكين التعس... ...لا زال يحبك يذكرك..!!؟
وانت لست انت ...... بل دائماً الاخر

كم اعشق المطر

ليل حالك الظلام لم اري في سماءه قمرا فقد حجبته السحب
والبرد قارص واسمع اصوات الرعود متتاليه معلنة في تحدي انها الاقوي من بين الاصوات
وانا هنا في الواحدة بعد منتصف الليل احاول ان انعم بليلة هادئة في فراشي الدافئ
بعد ان امضيت الليل اراقب حبات المطر وهي تهطل بقوة وكأنما تصر علي ان تغسل الاسكندرية كاملة الليلة
كعادتي اصلي وقت هطول المطر وادعو فتختلط الدموع بالمطر فلا ادري حين افيق من عزلتي في صلاتي ايهما بللني اهي دموعي ام ان مطرا ربانيا تساقط من سقف بيتي ليغسلني

كم اعشق المطر

احتضن قطي المدلل واحاول عبثا ان استرخي ان انام هادئة البال راضيه بحياتي ماضيه وحاضرة واستبشر حالمة بحياتي الاتيه ابتسم في ود لصورة في خيالي ثم اغمض عيني

ها انا ذا في بيتي والبرد قارص بالخارج في فراشي الدافئ ورائحة المطر المنهمر فوق الابنيه تغمر الكون حولي
متعبة انا فاليوم كان طويلا حافلا بالاحداث
والعمل لا ينتهي والتنقل الدائم من هنا الي هناك يبعث علي نوم ليس فقط هادئ بل نوم بلا حراااك
ولاكن تلك الصورة في خيالي توقظني ما ان اغمض عيني حتى تدعوني ان استفيق
فاغمضها متكاسلة تاركة النوم ليأخذ مني مأخذه فانا مرهقة جدا
ولاكن تلك الصورة في خيالي لا تتركني بل تلح عليا ان ادع فراشي وافتح نافذتي لاري حبات المطر مرة اخري ولاكن مع تلك الصورة
نعم
افكر فيه كم هورائع ان تتراقص حبات المطر فوق زجاج النافذه وانا معه ممسكة بيداه
هل هذا حلم مستحيل ؟؟
هل هذه رومانسية عمياء ؟؟
هل ستمنحني الحياة فرصة لتحقيقي حلم بسيط كهذا..؟
لا احلم ببيت ذو حديقة غناء يتوسطها حمام سباحة مزدوج العمق
ولا بسيارة هامر اقودها لافخر النوادي اقضي هناك نهاري كاملا بين الجاكوزي ولعب التنس والثرثرة مع النساء تحت السيشوار لدي كوفيري الخاص باكبر مركز تجميل يعد لي احدث تصفيفة لشعري لاحضر عشاء العمل الذي قد دعانا اليه صاحب اكبر الشركات في العالم
فارجع منه منهكة اثر ما تبسمت رغما عني لهذه وتلك لاجاملهن رغم انني لا احبهن اطلاقا
ولاكن العمل يحتم عليا ان اتحلي ببعض الصفات والمجاملات حتى تسير عجلة العمل

لااحلم سوى بحنانه فقط حنانه ... مشاركته لحياة بكل ما فيها حتى ضغوطها التي لا تنتهي
من من النساء لا تحلم بهذا ومن منهن لا تحلم ان تعين حبيبها علي صعاب الحياة ومن منهن تهرب من مساندته ان احس بضعف
هل عيب في المرأة انها متماسكة وتقدر المسئولية ؟؟
هل عيب فيها ان تساند الرجل وتكن له عونا؟؟
هل يضعف ذلك من انوثتها ودلالها ..هل يقلل من نعومتها وحنانها ؟؟
هل لا بد للمرأة ان تصعد كل مشكلة الي اولي الامر فيتدخل القريب والبعيد بينها وبين نصفها الاخر ؟؟
هل من تخطئ وتتراجع حبا لنصفها الاخر هي امرأة ضعيفة ؟
هل من تتكتم الامور وتحاول الحل امرأة غير واثقة من نفسها ؟؟
هل ضعف من المرأة وانعدام لكرامتها ان تعتذر ان اغضبت نصفها الاخر.؟
هل تتحول المراة في عيني الرجل الي رجل حين تسعى اليه!! فيهملها ويبحث عن انثى يسعي هو اليها ؟
هل هي امراة رومانسية مخطئة في حق نفسها ان كانت تحلم بحياة بسيطة كل ما يطغي عليها هو الحب والاحترام وتقوى الله والمودة ؟؟
لما لا يستطيع الرجل ان يتقبل المراة بشقيها ..الشق الرومانسي الضعيف والمشير الي الانوثه البحتة والشق العقلاني الواقعي الذي يستند عليه وقت الضيق والضعف ؟؟
اليس الرجل ببشر له قلب يشعر ويدق طربا بالحب !!؟؟
الن يضعف ويحتاج الي مساندة في وقت ما !!؟؟
لما يسعي الي انثي لا تستطيع الا ان تحكم من غيرها اما الاهل او الزوج ويدعي انها انثي بمعني الكلمة
ا لانها محكومة من غيرها وليست محكومة من نفسها
قطعا لا اقصد بالحكم القوامة
ولا كني اقصد حكم العقل علي الضغوط الحياتيه .. مشاكل العصر اليومية لاي بيت
لما يسعي الي من يناقشها فيناقش اهلها نيابة عنها
ولا يدير باله الي من تحتوي الامر فيناقشها مخاطبا عقلها وقلبها وليس ابيها او امها

كم اعشق المطر
يثير افكاري تتضارب حتى كأنها تضربني تمزقني سوطها اربا اربا
اخذتني الصورة بخيالي ثانية الي المطر فاخذني المطر الي افكاري فاخذتني افكاري الي السؤال من جديد وهكذا يأخذني السؤال الي تهالك قواي مرة اخري
انظر لفراشي وقطي النائم ببساطة وعمق وكانما ملك الدنيا بين يدية واسترخي فناااااااام
ابتسم حبا له وربما حسدا له فالمطر لا يثير فكره بل يدعه ينام بعمق اكثر
ولاكن .. كم اعشق المطر

تداعبني الصورة في خيالي فابتسم واهديه سلاما عله يصل .. عله يشعره وربما اتاه في احلامه تاركا قبلة فوق جبينه هامسا في اذنه باحلامي
اقترب من فراشي فيفيق قطي الصغير فاغرا فاه يقترب مني متمتما بمواء ناعم كسووول
كااخر حبات المطر الراسمة فوق نافذتي انهارا من الحب والامل انهارا من غد تعلوه ابتسامة شمس مشرقه وربما ابتسامة سحب محملة من سنين بمطر جديد ينهمر فتروى الاشجار وترتفع
وتثار الاحاسيس والافكار وتترائ الصور معلنة عن الاحلام من جديد

وغدا يوم جديد دااااااااااااااااائما شئنا ام ابينا

كم اعشق المطر