اه يا قلم ..

مقصوف يا سن القلم ولا مجاش الدور في طبور الكلام من كام سنة وشهور
كل ما تلمس ورق تكتب يادوب شخابيط
طمني .. في قلبك كلام ولا نلم الدور ..؟
فاكر ندايا يا قلمم
ياللي بتخرج كل يوم
امانه هاتلي قلم واستيكة
جوايا مليون كلمة ورسمة انتيكة
نفسي ابوح بالجروح يمكن تخف
نفسي ولو ارسم البسمة ع الحيطه
اه يا قلم
هربان من زمان
ومرة باجري وراك ومرة ورا الكلام ...!
ثلاث شهور يا قلم وسط اخواتك في المكتبه
وانا الوحيد بين اربع حطان انتظر
يا اللي بتخرج كل يوم امانه هاتلي قلم واستيكة..؟
ثلاث شهور باحلم وافكر هنفجر مرة اكتب فوق جهاز اصم ولا يسمع كلام
ومرة اكتب باحمر شفايف ع الحيطان
ومرة اقول اجمل كلام واصحي من الاحلام اصرخ
يا اللي بتخرج كل يوم امانه هاتلي قلم واستيكة
بقي يعني انا انتظرك  لا بكتب ولا برسم كاني بموت
 ثلاث شهور وانت وسط اخواتك غرقان في الكلام ..
بقي ده كلام ...!؟
ااه يا قلم
بملكه ويملكني
ووقت ما احتاجله بيربكني
هنا كلمة وهنا كلمة وهنا احساس ولملم يا جدع
اجري هنا وهنا وهنا
والم اللي بيقطر من نزيفك ع الورق
خلاص بقيت جنبي
يا بايدي يا تحت مخدتي
لكنك يا قلم مقصوف
هي السعادة تقصف الاقلام ..؟؟؟
لازم عذاب والام
وتقطر من دمك نزيف كلام .؟
ولا مكتوب ع القلم يدور في برايه ولما تجرحه  يقطر كلام ..؟
غريب يا قلم كما الانسان
اقرب له في الاحساس الحزن من الافراح والامان
قالت لي امي من زمان
اللي غذاه م الحياة يكتب كلام  يموت جعان
والله يا امي بيني هعيش جعان للكتابه واموت جعان
لكن حبيبتي اتطمني
لما هموت مش راح اموت جبان
اصل الكلام يا امي مهما اتخنق مابين بيبان وحيطان
ولا اترسم في لوحه واتعلق علي الجدران
او انكتب علي جهاز اصم و اتنشر في الافتراضي م الحياة
ومهما قصفوا القلم وقالو قطعولوا اللسان ..
هيفضل حر ...
عمره ما يكون جبان

walaa Elghobashy

احتقار الذات

حين تحب
تاخذك الاحلام الي ارض اللاخذلان
فتتوقع كل شئ الا ان يخذلك محبوبك
فثقتك به هي كل مايربطك به
نعم
الحب ثقة فقط ثقة
ثقة بان له قلب يشعرك
ثقة بان له عينان ترانك وتغمض عن غيرك
ثقة بانكما علي وفاق مبدأ وسلوك وحياة
ثقة بانه يهتم لامرك كما تهتم له
ثقة بانه لن يخذلك
ثقة بانه الامان 
فلن يفقدك الامان
وهكذا تدمر تلك الثقة مطرقة
اللامبالاه
لا مبالاه بما لديك..
فالمحبوب هو الاخر يثق
ولكن ثقة سلبية
يثق ان قلبك له ولن يتغير
وان اهتمامك قد سلبك الارادة
وانك ابدا لن ترحل
فياخذ في استغلال ما تمنحه له من ثقة وحب
ويعتاد كل ما تقدمه  ويعتبره حق 
ولابد لك لانك اسيره الذي لن يفك اسره  
ان تقدم كل ما تقدمه بل وبشكر 
لانه سمح لك بان تكون اسير لديه 
 ويخذلك خذلان تلو الاخر
فتنكشف اليك حقيقة
انك قد وضعت ثقتك فيمن لا يصونها
وتري كم هو صغير
 لا يقوي ان يحتمل ما تصنعه الثقة من قيود ملزمة لذوي الثقة
حين اذ
تاخذ انت بفقد الثقة وتتلاشي شئ  فشئ
وتكتشف ما كنت تتغاضي عنه لثقتك بعدم الخذلان
عندها تتغيرمشاعرك  وتوقف العطاء
بل وتحول نظرك عنه وتتركه وترحل
تاركا له خلفك اثر لا يمحوه الزمان 
وألما لا ينتهي 
فاكبر ما يؤلم حتي النفس الخاوية 
هو احتقار الذات