اعجبني المحتوى

السبت، يوليو 25، 2009

حلاوة زمان عروسة حصان



يا ما نفسي اشتري بلونة يا ما نفسي اعمل فيونكة

ارجع طفلة صغنونة واجري اتنطط في السكة

خشب حصاني مرجيحة لكن.... يا ما لف بيا يامااا اماكن

ياااااااااااااااه فين ايام زمان


اما تلاقي كل يوم يمر يقربك اكتر من مجهول ما تعرفوش خايف منه خايف تديله ما تخدش منه

وتلافي نفسك عشان تروح لبكره لازم تروح وعلي عيونك غمامة سوداء عشان ما تشفهوش

اما تلاقي النهاردة اخد من امبارح كتير اوي عشان يجي وتلاقي تفسك خايف لبكرة ياخد النهاردة كله وهو جاي

و تلاقي امبارح كان لمه وعيله واصحاب وناس وحب مبدور في الارض يرتوي بضحكة حلوة يطرح راحة وامان

اما تلاقي الضفاير والكرانيش وبنت بكل براءة تجري في البيت تقول بابا جه بابا جه وتلاقي الاب يحضنها برغم كل همومه وكانه بيقول مافيش مع حب اولادي اي هم

وتلاقي في المطبخ ام كل حياتها انك تاكل وتشرب وتتعلم اصل العلم نور وتشوفك بتضحك تلاقيها واقفه وانت جايب اصحابك فجاة علي الغذا ويمكن البيت اصلا مافيهوش اكل

و تلاقي ابتسامة ترحاب ونظرة عتاب عشان فاجات امك وجبت البنت اللي بتحبها تتعرف عليها وتلاقيها هي اللي محرجة تقابلها عشان البيت مش اد المقام

اما تلاقي اخواتك كل واحد يعطيك شيء اللي من علمه واللي من ماله واللي من ملابسه عشان تظهر ادام اصحابك ال يعني الواد الفتك اللي بيعرف كل حاجة وعنده كل حاجة يوم حفلة المدرسة في اخر السنة

اما تلاقي بيتك اللي اتربيت فيه ولمتك باخواتك والام والاب وسفرة واحدة بتجمعكم في رمضان بدون اوامر ولا منع للافطار بره البيت وتبقي بتفطر وانت حاسس ان اجمل شيء انك ببيتك مع اهلك وانهم مش كاتمين علي نفسك ومضيعين عليك الفطار مع الشلة


اما تلاقي امبارح كله في ذاكرتك احداث بسييييييييييطة بس حلوة اوي وكلها بتلمس قلبك

وتلاقي نفسك فقدت كتير اوي منها لحد النهاردة ان لم يكن كلها وتلاقي بكرة مجهول ومش عارف حتعمل فيه ايه ويا تري هيجي زي ما تحب وهتقدر ترضي بيه ولا نفسك هترفضه وتفضل في نار بين امبارح وبكرة وضايع منك النهاردة




وقتها تلاقي دمعة في عيونك نفسها تنزل بس خايفة تجرح ذكريات امبارح وخايفة يغضب منها بكره

وتفضل دمعة عيونك جواها تعكس اضواء الشوارع وانت بتجري تلحق اللي فاضلك من النهاردة وقلبك بيسترجع امبارح وفكرك بيجري لمجهول بكرة

وصوت خارج من القهوة اللي ياما اخدك معاه والدك وقعد عليها مع اصحابه ونفس الصوت بيكمل الاغنيه وخارج من الكافيه اللي بيقعد فيه ابنك واصحابه ومعهاهم اللاب توب وداخلين علي الانترنت

وخارجة اخر كلمات الاغنية من الكازينوا اللي شاف اجمل ايام حبك

يطل صوت الماضي بكل حنان يقولك

كان ، و كان ، و كان

أولاد و بنات جيران براءة في كل قلب .. و عيون مليانة حب

كبرنا و عدى عمر .. اخدنا لميت مكان !
يا حنين ، يا ذكريات .. يا سنين أحلى الحاجات

نبكي العمر الجاي .. ولا العمر اللي فات !

لو كان بايدينا كنا .. وقفنا سنين زمانا

ليه يضيع العمر منا .. و تعيش الذكريات !



هناك 22 تعليقًا:

  1. هييييييييييييييييييييه

    خلاص حجزت اول تعليق

    اروح بقى اقرى البوست وارجع اقولك راييى يا قمر

    ردحذف
  2. طبعا مفيش احلى من الطفوله بكل برائتها

    لما كانت احلامنا لسه احلام ورديه

    تحياتى

    Pink Dreams

    ردحذف
  3. ياما نفسى اشترى بالونة ياما نفسى اعمل فيونكة
    و ارجع طفلة ضغنونة اجرى اتنطط فى السكة

    معلش تصحيح لا بد منه لأغنية مش عارف مين اللى بتغنيها بس فاكر القناة الخامسة كانت بتعرضها كتير
    يااااه يا ولاااااء
    احلى لحظات الواحد عاشها و لسه بيعيش بعضها و بيدوق طعم السعادة بين الناس اللى بيحبهم وبيحبوه
    ناس بتدى من غير نما تفكر حتردلها امتى و ازاى بس عارفين انهم بيعملوا الصح
    افتكر ان ده تعريف من تعاريف السعادة
    و ايام و لحظات تانية الواحد بيفتش عنها فى ذاكرته صور بيخاف يكون التراب جه عليها و براويز خايف يكون الصدا اكل منها و شوهها
    الحزن على اللى فات و الخوف من اللى جاى طبيعة الانسان لكن لايه عمر ما حد بيفكر ان اللى جاى ممكن يبقى احسن من اللى فات او استمرار ليه
    ليه دايما بنقول زمن التيــــــــــــت الجميل و كأن مفيش مستقبل حد يقوللى ليه
    بس احييكى على اختيارك لكلمات اغنية حنان ماضى
    و اهو كان و كان و كان

    ردحذف
  4. طبعا صعب ان ايام زمان ترجع تانى

    هو امبارح بيرجع ابدا ؟؟؟؟

    تسلم ايدك

    حنين

    ردحذف
  5. pink dream
    اهلا بيك في المدونة ويارب اول تعليق وزيارة دائمة يارب
    طبعا مفيش احلي من الطفولة وياريتها ترجع تاني
    بكل مافيها حتى العقاب علي الاخطاء اللي كان بيضايقنا اوي
    اهلا بيك دايما
    تحياتي

    ردحذف
  6. emadiab
    اهلا بيك في المدونةويارب زيارة دائمة وتواصل فعال ...
    اشكرك جدا للصتصحيح وبالفعل تم واتخذنا اللازم وغنينا وسمعنا الجيران كمان ...
    يارب كل ذكرياتك الجميلة تكون دايما بدون اي اتربه و دايما ترسم البسمة علي شفاه حياتك وترجع لك اجمل احاسيسها مرة تانيه
    اشكرك جدا للتواجد والزيارة الجميلة ويارب تكررها وهاستناك في البوست الجديد
    تحياتي

    ردحذف
  7. حنييييييييين
    منورة المدونة
    وزيارتك اسعدتني كتييير ويارب تكرريها دايما يااارب
    فعلا ايام زمان مش بترجع تاني لكن دايما بتسيب جوانا ذكريات بترجعنا نعيش احساسنا بيها مرة تانيه وتثير جوانا شجن جميل
    تحياتي

    ردحذف
  8. السلام عليكم

    انا هسأل عليكى مع انك مش بتسألى
    عموما موضوع جميل
    بس قول للزمان ارجع يا زمان

    سلالالالالالالالالالالالالالالالالالالالالالام

    ردحذف
  9. حدوته نورتني والله
    بجد انا مقصرة اوي في الزيارة انما وعد ان شاء الله مش هاغيب تاني
    وعلي رايك قول للزمان ارجع يا زمان يبقي احنا في النهاردة وهاروح ازورك اهه
    اهلا بيك دايما

    ردحذف
  10. انت لسه هنا؟


    لا لا تعالى بسرعه عندنا


    تيمون وبوبما عايزينك


    كل ما تضحك اكتر كل تاكل بطاطا اكتر

    هاكونا مطاطا

    مش هتقدر تغمض عنيك

    هاكونا مطاطا هديتنا لكل المدونين عشان نخرج من حاله النكد

    هاكونا مطاطا تهييس للصبح

    هاكونا مطاطا ... لااااا للملل


    هاكونا مطاطا... قول لاء للهم

    هاكونا مطاطا.... اوعى تزعل ابدااا

    هاكونا مطاطا... ارمى الماضى ورا ضهرك


    انسى الماضى اللى يغيظ


    يلاااااااااا تعالى مستنى ايه

    وياريت تضيف اللينك عندك
    ومش هتندم ابدآ

    مودتى

    ردحذف
  11. اهلا ولاء

    صراحة افتقدنا هذه المدونة لفترة

    ومن المبهج حقا أن رأيناها تنبض ثانية

    تحياتي

    ردحذف
  12. السلام عليكم
    تعرفي بجد اجمل احساس هو احساس الطفولى
    اللى هو فى الحقيقة احساس البرائة

    لا يعلم الغيب الا الله

    كل سنة وانتى طيبة

    تحياتى

    ردحذف
  13. ريمان ونوسة
    طبعا هاجري اروح المدونة ودي عايزة كلام ؟؟
    مين فينا ناقص نكد الايام دي والله نفسي اضحك واهيس وارجع لزماااااااااااااان ايام الضحك للصبح
    انا جايه حاااااااااالا

    ردحذف
  14. حاول تفتكرني
    شرفني جدا وجودك وانا اللي افتقد الاصدقاء والله وحقيقي اسعدني انك لسة فاكرني وبتتواصل للان
    ربنا يديم التواصل
    اشكرك جدا لزيارتك وترحيبك
    تحياتي

    ردحذف
  15. ذو الوجه المبتسم
    اهلا اهلا اهلا نورت المدونة ويارب مش اخر زيارة
    فعلا اجمل احاس هو احساس الطفولة ولكده دايما بنحن اليه مهما كبرنا
    اهلا بيك واتمني دوام التواصل
    تحياتي

    ردحذف
  16. ;g سنة وانت طيبة وبألف خير
    فعلا والله فرحت قوي بزيارتك ليا وان الي بكتبه عجبك
    ومن هنا بوجهلك دعوة خاصة لمشاركتي في مجلة رؤية مصرية
    المجلة دي أنا بفضل الله ثم جهد بسيط مني ومساعدة من بعض المدونين أسستها منذ 4 شهور http://www.roaua.com/index.php
    ياريت تدخلي تنوريني فيها وتقوليلي رأيك وتنضمي للفريق بتاعنا
    هتعرفي كل حاجة عن المجلة لما تقرأي صفحات من نحن ورؤيتنا ولو عاوزة تعرفي حاجة تانية أنا تحت أمرك وطبعا انضمامك لفريق المجلة ده شرف عظيم ليا
    أنا تجولت في مدونتك على فكرة
    كل سنة وحضرتك طيبة وبألف صحة وسلامة

    ردحذف
  17. السلام عليكم

    كل عام وانتم بخير
    ورمضان كريم

    سلالالالالالالالالالالالالالالالالالالام

    ردحذف
  18. كاتب مصري
    حقيقي سعيدة بتشريفك للمدونة
    وطبعا يشرفني جدا الانضمام لمحرري المجلة ويارب اكون عند حسن ظنكم
    ونقدر نقدم فكر راقي للمجتمع ينقلنا للمستقبل بعقول واعية اكثر بواقعها
    ادام الله التواصل
    تحياتي

    ردحذف
  19. حدوتة
    كل سنة وانت بكل خير يارب
    ويارب رمضان خير علينا جميعا

    ردحذف
  20. دي كلمات اغنية لمطربه مش فاكره اسمها بالظبط
    رجاء بالمليح او حنان ماضي او ايمان الطوخي
    ممكن تفكريني

    ردحذف
  21. لو حد عنده الاغنية دى ياريت يبعتها لى

    ردحذف

زروني كل بوست مرة حرام تنسوني بالمرة ...