اعجبني المحتوى

الثلاثاء، ديسمبر 22، 2009

انا اللقيط

انا اللقيط

نعم انا ذالك الرجل اللقيط ..مجهول النسب لم اعرف من والداي ولن اعرفهما ماطال عمري

نعم انا ذو الخمسون ربيعا ويزيد والشعر االرمادي والتجاعيد التي تسري في جبيني سريان الماء بين اصابع الكف الواحد

ها انا ذا لا اخجل ان اقولها عالية مدوية انا اللقيييييييييييييييييييييييييط _امام مرآتي _ فقط

هنا فقط اواجه نفسي وحقيقتي كل يوم وكاني اتعرف عليا من جديد

ثم تقبع في اعماقي تتوارى عن الناظرين لنهاية اليوم

وتاتيني في الصباح تجدد تذكيري بحقيقتي كللللل يوم

: صباح الخير يا لقيط....

::صباح الخير مرايتي العزيزة

: قايم بدري يعني النهاردة ومظبط حالك يا عم وبتبص بعين ونص وتبحلق ايه اول مرة تشوف نفسك ولا عندك مقابلة وجو في الجو النهاردة ولا كنت بتحلم حلم حلو ولاايييه؟؟

::اسكتي بقي ما انتي صحتيني ع الصبح وقلتيلي الحقيقة المرة

:حقيقة ايه انا قلت حاجة انت هتتبللا عليا ؟!

::ايوة يا سيتي انا لقيط لقييييييييط ارتاحتي عندك مانع ؟

: هههههههههههه لا معنديش ولا عندي حل لكل موزززة تسيبك وتخاف علي مستقبلها منك

اصل العرق يمد لسابع جد وبيني وبينك مش سهلة برضه ولا ايييييه....؟؟؟؟!!!!

:: اسكتي بقي اسكتي والله انا غلطان اني مخليكي عندي انا هاكسرك مليون حته واحرقك

: ههههههههههه قديمة كام مرة قولت ولا نفذتش انا وانت ملناش غير بعض

: لقيط ولقيطة هههههههههههههههههههه

:خلص خلص انجز يا عم احلق وشوف نفسك برضه هترجعلي بعد كام ساعة مدلدل ودانك

::لا مش هارجع مهزوم تاني مش هاوطي راسي تاني مش هامشي وانا باداري عاري

::انا مظلوم ليه مش عايزة تصدقي اني مليش ذنب طب ما انتي لقيطة ليكي ذنب بقي ؟

::مين ابوكي مين امك مين اللي عملك ورماكي بين ايدين الناس تلطش فيكي

: معرفش يا اخويا بس ع الاقل جيت انت واشتريتني ولقيت معاك بيت يلمني بدل قاعدة الارصفة بس انت بقي مين هيشتريك ؟؟

:: حبيبتي مراتي الست اللي هتشوفني مظلوم مليش ذنب ان امي وضيعة وابويا سكير

::الست اللي هتمسك في ذراعي وتمشي معايا وهي رافعة راسها لفوق وكانها بتقول للناس انا فخورة بجوزي وميهمنيش انه....ل ق يـ ط ... اااااااااااه لقيييط

::انا عارف اني لقيط بس انا اشرف اي عائلة ادخلها انا دكتور في اكبر مستشفيات البلد ولديا شهادات تقدير مالية حيطان عيادتي وبيتي وابحاثي بتدرس في الجامعة الان انا صرح ووثروة علمية

: هههههههههههه ومين بقي هيقدر الثروة دي؟؟ انت عايز واحدة مقطوعة من شجرة وعندها استعداد تتحدى العالم عشانك

:ومش عايزة حتى تعرف حد غيرك وخلي بيتكم بقي مكتوب عليه ممنوع الاقتراب

:: هالقيها وبكرة تشوفينا واقفين قدامك ومعانا اولادنا كمان ووقتها هارميكي م الشباك

: ههههههههههههه ابقي قابلني ..... انت مش حاسس عندك كام سنة ده انت قربت م الستين هتلاقيها امتى ابقي

وانت رايح تدفن ؟؟

::اسكتي اسكتي بقي ارحميني ايوة لقيط لقيط لقييييييييييييييييييييييييييييط

::طول عمري لقيط طول عمري من ايد لايد طول عمري بيلطش فيا خلق الله وبيهرب مني الاصحاب وكاني عدوى خايفين تصيبهم طول عمري ماليش مكان ماليش عنوان ماليش وسط الناس حقوق

::طفل جميل بس غلبان يا عيني يبصوا عليه ويتصعبوا اما يزروه لكن مستحيل يعيش معاهم ولا يلعب مع عيالهم ولا ياكل وسطهم

::اه يعطفوا عليه لكن يبقي زيهم لالالالالا

::ايوة انا لقيط وهافضل طول عمري لقيط

::بادفع ثمن شيء معملتهوش وذنبي في عيون الناس كبير وانا ما ارتكبتوش

::ايوة لقيط بس ليه وفين ابويا وامي ومين هم

::عارفة لو اعرفهم

:هترجمهم ولا تجلدهم

:: بالعكس انا هاسامحهم واعيش معاهم ويكونلي عائلة ولو كانوا مييين

::بس ابقي ولو ليوم واحد مش لقيط

::نفسي اعيش حر من غير قيود من غير ما اخاف ويخاف مني الناس

::نفسي اعيش لساعة وانا مش لقيط

::نفسي اعييييييييييييييش

هناك 6 تعليقات:

  1. ولاء

    قرأت الموضوع صباحا ، ومن وقتها وانا افكر ، تري هل وحدة من يشعر بهذا الحمل النفسي الرهيب هذا

    ذهبت فى المساء امارس الواجب الاسبوعي للعب البلياردو والتنس طاولة فى يوم الاجازة فى هذذا البلد الغريب
    ، والموضوع فى مخيلتي ، نظرت إلى جموع من حولي ، كلهم غرباء يحاولوا اخفاء ما ذلك الحاجز النفسي النابض داخلهم

    تري هل اللقيط فقط من يطارده احساسه

    ربما كان الكثير منا لقطاء

    تحياتي

    ردحذف
  2. حاول تفتكرني .. استاذي شرفني حضورك
    وسعيدة جدا ان الموضوع علق في ذهن حضرتك حتى المساء
    باتفق مع حضرتك ان فعلا يمكن كلنا لقطاء بشكل او باخر وكل فرد بيحاول يخبي حقيقة جواه تالمه جدا ان عرفها او لمح لها الاخرون
    انما باختلف مع حضرتك في شيء مهم ان كل فرد اتى بشكل شرعي يحاول ان يخفي بعض منه ولا يخفي نفسه كامله اما اللقيط فهو يخفي نفسه ويظهر بعض منه عل الاخر يراه كما يتمنى هو وليس كحقيقته

    لك كل الشكر لمرور حضرتك

    ردحذف
  3. ولاء

    صاحبة الموضوع كل 4 شهور بتتأخري اوي انتي في الكتابه

    انا من كتر ما انا مفهمتش اعتبرت الموضوع قصة .... اقراها واركز فيها

    يمكن لاننا مبنقابلش حالة اللقيط دي في مصر كل يوم فاعتبرتها قصة

    بس قصة مميزة

    تسلم ايدك

    ردحذف
  4. احمد عاطف
    كل الشكر لمرورك نورتني والله

    التاخير مش بايدي مشاغل واعدادات الزواج بقي
    اما اللقيط
    فالموضوع مش بعيد عننا بالعكس اللقطاء للاسف في تزايد رهييب
    ومش بنقابلهم كتير لانهم بيخفواحقيقتهم طول الوقت عن عيونا اللي في الغالب بتجرحهم اكتر ما بتطبطب عليهم وهي بتتصعب علي حالهم

    ردحذف
  5. tulip rose
    اولا تقبلى مرورى الاول وليس الاخير
    ثانيا نورتينى بزيارتك السابقة لى
    ثالثا ابكيتينى بهذا البوست الموجع الاليم
    واكثر ما يؤلم به انه واقعى جدا
    ونحن شعب لا نرحم
    وللاسف اللقيط هو من يدفع ثمن اخطاء والديه طول الحياة
    وعموما مسامحاكى لانك بلدياتى

    ردحذف
  6. القدر وانا .... النور نورك وزيارتك شرفتني
    وانا مع حضرتك ان اللقيط هو الوحيد الذي يدفع من خطأ واحد يعرفة واخطاء كثيرة لا يعرفها

    ردحذف

زروني كل بوست مرة حرام تنسوني بالمرة ...