عايش لنفسه ..... مكبر الدماغ

(ياعم ده عايش لنفسه) كثيرا ما نسمع هذا اللفظ بين الاقارب او المعارف او الاصحاب

كثيرا ما نسمع الجيران يصفون به احد جيرانهم

ولكن هل هناك فعلا من يستطيع ان يعيش لفسه ؟؟

من منا اقترب من شخص قد وصفه الاخرون بذلك ووجده بالفعل يعيش لنفسه

وكيف هي اوصاف ذلك الشخص

ماهو السبب لنوصف شخص بانه عايش لنفسه؟؟

يعني بيكون عامل ازاي ؟ شكله ايه ؟ بيتصرف ازاي ؟

دي كانت ابسط الاسئلة التي تبادرت لذهني حين وصفت شخص ما وبعد تفكير بانه شخص عايش لنفسه

اييييييييوة

نطت علي لساني الكلمه ومعرفش ازاي (ياعم ده عايش لنفسه)

بعد جدال وخناق مع نفسي ومسكت فيها وقطعت شعرها وبهدلتها

لقيتني برضه باقول ده عايش لنفسه

وبدأت اتابع تصرفاته وتحركاته وردود افعاله

بياكل زي باقي الناس

بيلبس برضه زي باقي الناس

بيشتغل .. بينام .. بيتنفس

بيتنرفز .. بيضحك

بيفكر .. بيطنش

عاااااااااادي خاااالص

انما عايش لنفسه

الموضوع كله ان اللي عايش لنفسه

مجرد شخص عادي جدا انما مش شايف غير نفسه

ايوة

مهتم بيها زيادة عن اللازم

ممكن نعتبره غرور

بس للاسف هو غرور فيه شيء من عدم الثقة بالنفس

ايه الحيرة دي بقي

هو فيه غرور معاه عدم ثقة بالنفس

اييييييييوة

دي مشكلة الشخص اللي بنوصفه بانه عايش لنفسه

مش بيشوف غيرها فبيغرم بيها زيادة عن الازم

فيلاقي نفسه بقي مغرور وحاسس ان نفسه دي افضل نفوس الارض

انما جواه دايما ضعف بيحاول طول الوقت يخفيه

ايوة اللي عايش لنفسه شخص ضعيف

غير مهتم ومستهتر وغير متفاعل اصلا مع مجتمعه

هو يتفاعل وينفعل مع القلة القليلة من المجتمع

ودائما ما تجد التفاعل غير مباشر

يعني تليفونات .. انترنت .. تعليقات من بعبد لبعيد

ومع ذلك قد نجده ناجح في عالمه الصغير الذي تقوقع عليه

لكن التفاعل المباشر

الذي يجعله مسؤل عن كل كلمة وفعل ورد فعل

هو تفاعل غير محبب اليه وعادة يهرب منه باي طريقة

فتراه شخص رائع خارجيا مكتمل القوى

لكنه داخليا عادة ما يكون من اضعف الناس نفسيا

تلك كانت متابعتي

وربما كنت مخطأة

أين لي بتلك الابتسامة المفتعلة اين لي
بشفاه تمثيلية تجيد الضحك اربع وعشرون ساعة بلا افراح حقيقية

اين لي بذاك الوجه المسخ ......الذي يرسم علي شفاهه تلك الابتسامة مهما كان لونها

بيضاء..او صفراء.. او سوداء بلون الموت

أأبتلع الغصة في حلقي واحتمل مرارتها ؟دون
ان يتضح امتعاضي ....؟؟ فقط كي اسعد الصمت الكئيب؟!!

ليت لي وجه المهرج لأتقنت
الابتسامة المرتسمه عليه مهما كان القلب يبكي

ولكني اخاف ان امتلكته ان
تطفي مرارة الايام نور ابتسامته فيعلو الحزن وجه المهرج

Alexandria

اه يا بلد

وحشتني اسكندرية

يسجنني الصمت

يسكنني الصمت .. بل اسكنه بعينه
اعاشره كمعاشر الحدادين
يكويني بنيرانه الحارقة
وحدة دائمة وغربة متعمدة
كآبة تظلل الايام وتكسوها ليلا طويل
نهارا اصفر الثوب
تعلوه شمسا حارقة
تذيب القلوب
توقف خفقانها
وجواري اقرب القريب
ولكنه سراب
فاين لي بتلك الابتسامة المفتعلة
اين لي بشفاه تمثيلية تجيد الضحك
اربع وعشرون ساعة بلا فرح
اين لي بذاك الوجه المسخ
الذي يرسم علي شفاهه تلك الابتسامة
مهما كان لونها بيضاء .. صفراء.. سوداء بلون الموت
أأبتلع تلك الغصة في حلقي واحتمل مرارتها ؟
دون ان يتضح امتعاضي فقط كي اسعد الصمت الكئيب؟
ليت لي وجه المهرج لاتقنت الابتسامة المرتسمه عليه مهما كان القلب يبكي
ولكني اخاف ان امتلكته
ان تطفئ مرارة الايام نور ابتسامته
فيعلو الحزن وجه المهرج

انا مين ؟؟

بعد عناء سنوات ومحاربة الايام حتى تصنع لنفسك مكان تحت الشمس
يمكن مكانك مش باين تحت الضوء الساطع
ويمكن مكانك صغير اوي بالنسبة للمساحات الشاسعة للاخرين تحت الشمس
انما علي الاقل هو بيرضيك ومحبب اليك جدا
وبتحاول تحافظ عليه او تكبره
بعد سنين وانت راضي بمكانك ومكانتك وحاسس انها نعمة وبتحمد ربنا عليها
وكل ما يمر يوم تسعي اكتر واكتر عشان مكانك يكبر واذا كبر تفرح واذا ثبت ترضى
ياتري عشان يحترمك الاخرين لابد من انك تدخل في جدل ثقافي ؟؟؟؟
دايما لازم تتعالى علي الاخرين بمعلوماتك او تعليمك او اموالك وممتلكاتك اويعني بمكانك ومكانتك تحت الشمس؟؟؟
هل هذا هو اساس احترام الاخرين لك ؟
ام ان السخرية الدائمة من الاخرين وتسفيه معلوماتهم ومكانتهم المتواضعه تحت الشمس
هو ده السبيل لأظهار مكانك ومكانتك وبريقك تحت الشمس؟؟
احنا ليه دايما بنشوف الاخرين صغيرين اوي ولا نراهم بمكانتهم الحقيقية
كونهم بشر فيجب علينا احترامهم وتقديرهم مهما كان مكانهم
او عملهم او اسلوب تفكيرهم المختلف عن اسلوبنا
ليه التهكم بالاخرين اصبح صفة مميزة للشخص الناجح
او علي الاقل الذي يظهر بمظهر الشخص الناجح
ياترى عشان نحجم الشخص المتعالى لازم نسلط الضوء علي نقاط الضعف في شخصيته ونفقده الثقة بنفسه
ياترى لو كل واحد مننا سلط الضوء علي عيوب ونقاط ضعف الاخر هل ستستمر الحياة علي وجه الارض ؟؟
ام اننا سنجد بعد فترة وجيزة ان المسافات بين الاصحاب والزملاء والاحباب وافراد الاسرة الواحدة تتباااااااااعد وتتضااااااعف الي ان يصبح كل شخص مختل نفسيا ولا ندري مايمكن ان يحدث منه بين لحظة واخري؟؟؟
ثم نجد الجميع سائرا بلا اتجاه محدثا نفسه ((( انا مييييييييين ))) ؟؟؟؟؟؟