اعجبني المحتوى

الجمعة، ديسمبر 24، 2010

عايش لنفسه ..... مكبر الدماغ

(ياعم ده عايش لنفسه) كثيرا ما نسمع هذا اللفظ بين الاقارب او المعارف او الاصحاب
كثيرا ما نسمع الجيران يصفون به احد جيرانهم
ولكن هل هناك فعلا من يستطيع ان يعيش لفسه ؟؟
من منا اقترب من شخص قد وصفه الاخرون بذلك ووجده بالفعل يعيش لنفسه
وكيف هي اوصاف ذلك الشخص
ماهو السبب لنوصف شخص بانه عايش لنفسه؟؟
يعني بيكون عامل ازاي ؟ شكله ايه ؟ بيتصرف ازاي ؟
دي كانت ابسط الاسئلة التي تبادرت لذهني حين وصفت شخص ما وبعد تفكير بانه شخص عايش لنفسه
اييييييييوة
نطت علي لساني الكلمه ومعرفش ازاي (ياعم ده عايش لنفسه)
بعد جدال وخناق مع نفسي ومسكت فيها وقطعت شعرها وبهدلتها
لقيتني برضه باقول ده عايش لنفسه
وبدأت اتابع تصرفاته وتحركاته وردود افعاله
بياكل زي باقي الناس
بيلبس برضه زي باقي الناس
بيشتغل .. بينام .. بيتنفس
بيتنرفز .. بيضحك
بيفكر .. بيطنش
عاااااااااادي خاااالص

انما عايش لنفسه
الموضوع كله ان اللي عايش لنفسه
مجرد شخص عادي جدا انما مش شايف غير نفسه
ايوة
مهتم بيها زيادة عن اللازم
ممكن نعتبره غرور
بس للاسف هو غرور فيه شيء من عدم الثقة بالنفس
ايه الحيرة دي بقي
هو فيه غرور معاه عدم ثقة بالنفس
اييييييييوة
دي مشكلة الشخص اللي بنوصفه بانه عايش لنفسه
مش بيشوف غيرها فبيغرم بيها زيادة عن الازم
فيلاقي نفسه بقي مغرور وحاسس ان نفسه دي افضل نفوس الارض
انما جواه دايما ضعف بيحاول طول الوقت يخفيه
ايوة اللي عايش لنفسه شخص ضعيف
غير مهتم ومستهتر وغير متفاعل اصلا مع مجتمعه
هو يتفاعل وينفعل مع القلة القليلة من المجتمع
ودائما ما تجد التفاعل غير مباشر
يعني تليفونات .. انترنت .. تعليقات من بعبد لبعيد
ومع ذلك قد نجده ناجح في عالمه الصغير الذي تقوقع عليه

لكن التفاعل المباشر
الذي يجعله مسؤل عن كل كلمة وفعل ورد فعل
هو تفاعل غير محبب اليه وعادة يهرب منه باي طريقة
فتراه شخص رائع خارجيا مكتمل القوى
لكنه داخليا عادة ما يكون من اضعف الناس نفسيا
تلك كانت متابعتي
وربما كنت مخطأة


هناك 3 تعليقات:

  1. الانسان عمره ما هيحس بالسعادة طول ما هو عايش لنفسه

    ردحذف
  2. فعلا sharm
    الانسان مستحيل يشعر بالسعادة وهو عايش لنفسه فقط
    لذلك الانسان اللي بنعته بانه عايش لنفسه هو شخص تعيس
    لكنه دائما ضاحك حتى يخفي تعاسته الداخليه
    هو اضعف من انه يظهر اللي جواه لانه لا يستطيع تحمل مسؤليته
    نورتني بالزيارد اخي
    تحياتي

    ردحذف
  3. جميل ان يكون هناك موضوع للمناقشة والمجادلة وهو ده من وجهة نظري الهدف من التدوين هو نقل التجارب والخبرات
    انا لا اختلف معك كثيرا في وجهة نظرك
    ولكن هناك فعلا من يعيشون وينكمشون في انفسهم لانهم فقدوا الثقة في العالم الخارجي او فقدوا الثقة في من هم حولهم ليس بالضرورة ان يكون هذا الانكماش والتقوقع حب النفس او ضعف النفس
    اسف علي الاطالة
    تحياتي

    ردحذف

زروني كل بوست مرة حرام تنسوني بالمرة ...