اعجبني المحتوى

الخميس، ديسمبر 19، 2013

اه يا قلم ..

مقصوف يا سن القلم ولا مجاش الدور في طبور الكلام من كام سنة وشهور
كل ما تلمس ورق تكتب يادوب شخابيط
طمني .. في قلبك كلام ولا نلم الدور ..؟
فاكر ندايا يا قلمم
ياللي بتخرج كل يوم
امانه هاتلي قلم واستيكة
جوايا مليون كلمة ورسمة انتيكة
نفسي ابوح بالجروح يمكن تخف
نفسي ولو ارسم البسمة ع الحيطه
اه يا قلم
هربان من زمان
ومرة باجري وراك ومرة ورا الكلام ...!
ثلاث شهور يا قلم وسط اخواتك في المكتبه
وانا الوحيد بين اربع حطان انتظر
يا اللي بتخرج كل يوم امانه هاتلي قلم واستيكة..؟
ثلاث شهور باحلم وافكر هنفجر مرة اكتب فوق جهاز اصم ولا يسمع كلام
ومرة اكتب باحمر شفايف ع الحيطان
ومرة اقول اجمل كلام واصحي من الاحلام اصرخ
يا اللي بتخرج كل يوم امانه هاتلي قلم واستيكة
بقي يعني انا انتظرك  لا بكتب ولا برسم كاني بموت
 ثلاث شهور وانت وسط اخواتك غرقان في الكلام ..
بقي ده كلام ...!؟
ااه يا قلم
بملكه ويملكني
ووقت ما احتاجله بيربكني
هنا كلمة وهنا كلمة وهنا احساس ولملم يا جدع
اجري هنا وهنا وهنا
والم اللي بيقطر من نزيفك ع الورق
خلاص بقيت جنبي
يا بايدي يا تحت مخدتي
لكنك يا قلم مقصوف
هي السعادة تقصف الاقلام ..؟؟؟
لازم عذاب والام
وتقطر من دمك نزيف كلام .؟
ولا مكتوب ع القلم يدور في برايه ولما تجرحه  يقطر كلام ..؟
غريب يا قلم كما الانسان
اقرب له في الاحساس الحزن من الافراح والامان
قالت لي امي من زمان
اللي غذاه م الحياة يكتب كلام  يموت جعان
والله يا امي بيني هعيش جعان للكتابه واموت جعان
لكن حبيبتي اتطمني
لما هموت مش راح اموت جبان
اصل الكلام يا امي مهما اتخنق مابين بيبان وحيطان
ولا اترسم في لوحه واتعلق علي الجدران
او انكتب علي جهاز اصم و اتنشر في الافتراضي م الحياة
ومهما قصفوا القلم وقالو قطعولوا اللسان ..
هيفضل حر ...
عمره ما يكون جبان

walaa Elghobashy




هناك 7 تعليقات:

  1. كل سنة وانتي طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
    :)

    أطيب تحياتي

    ردحذف
  2. وانت بكل خير وسعادة باشا ...
    يارب عام خير علك بكل انواع الخير والسعادة
    وتحقق كل ما تتمناه ويبعد عنك كل سيء

    ردحذف
  3. السلام عليكم ورحمه الله وبركاته
    توقفت كثيرا لاضع رد .. حقا لم اجد كلمات تعبر على كلماتك الجميله
    ولاالجمل هو احساسك الواضح بين سطور كلماتك
    تحياتى الى شخصك الجميل

    ردحذف
  4. أزال المؤلف هذا التعليق.

    ردحذف
  5. هي السعادة تقصف الاقلام ..؟؟؟


    اجمل ما فينا اننا نكتب مهما كانت حالتنا الشخصية نعير عما يداخلنا

    قصيدة جميلة

    اسعدك الله

    ردحذف
  6. الاجمل مرورك استاذ محمود اتمني اكون عند حسن ظنك وكلما مررت وجدت ما يعجبك
    تحياتي

    ردحذف
  7. السعادة لا تقصف الاقلام ولكن الكتابة عنها صعبة المنال
    مرورك اسعدني استاذ احمد ..
    اسعدك الله بما تحب وترضي

    ردحذف

زروني كل بوست مرة حرام تنسوني بالمرة ...