جياك اتدب الفرحة
زاعجة عليك من أولة امبارحة
خشيانة تطل بعيونها الفرحانة عليك فاجأة
بتجول ماواخيدش باله اني له عاشجة
حق ماواخيدش بالك انت !!
ولا تجلان لجل تجيك راكعة ؟ !
هانت ياوليدي
جياك اتدب الفرحة
ربك ما عينساش
مارايدش تموت وبجلبك هم
جابلك فرحة
لا تنجي ولا تجول ماعيزهاش كده فرحة
الفرحة يا وليدي زي مايجيبها المولى
مال
اعيال
شغلانه حلال
جليب طيب
راحة بال
مرة تسند كتفك وجت الضيج
اهو رزج من ربنا وتفتح له حجرك
زي مايكون
فرحة ياوليدي وعشجاك
جياك جياك
برضاك راح تيجي وتكبر وياك
اوعي ياوليدي تجول لا مش ديا
رزق المولى يسوجه
عارف ايه ينفع زين... وبمعاد
هانت ياوليدي
جياك اتدب الفرحة
جياك جياك...
(walaa _elghobashy )
ههههههههههه اديني مستنية
ردحذفالفرحة مسيرها تلف وتلف وتجيللك
طب وهى جاتلك ؟
لا والله لسه بتلف
هاااااانت
ردحذفالجميل في الفرحة انها متعددة الاشكال والانواع بس للاسف احنا بنحصرها في عدد اقل فتقل فرحتنا