اعجبني المحتوى

الثلاثاء، أبريل 27، 2010

انا مين ؟؟


بعد عناء سنوات ومحاربة الايام حتى تصنع لنفسك مكان تحت الشمس
يمكن مكانك مش باين تحت الضوء الساطع
ويمكن مكانك صغير اوي بالنسبة للمساحات الشاسعة للاخرين تحت الشمس
انما علي الاقل هو بيرضيك ومحبب اليك جدا
وبتحاول تحافظ عليه او تكبره
بعد سنين وانت راضي بمكانك ومكانتك وحاسس انها نعمة وبتحمد ربنا عليها
وكل ما يمر يوم تسعي اكتر واكتر عشان مكانك يكبر واذا كبر تفرح واذا ثبت ترضى
ياتري عشان يحترمك الاخرين لابد من انك تدخل في جدل ثقافي ؟؟؟؟
دايما لازم تتعالى علي الاخرين بمعلوماتك او تعليمك او اموالك وممتلكاتك اويعني بمكانك ومكانتك تحت الشمس؟؟؟
هل هذا هو اساس احترام الاخرين لك ؟
ام ان السخرية الدائمة من الاخرين وتسفيه معلوماتهم ومكانتهم المتواضعه تحت الشمس
هو ده السبيل لأظهار مكانك ومكانتك وبريقك تحت الشمس؟؟
احنا ليه دايما بنشوف الاخرين صغيرين اوي ولا نراهم بمكانتهم الحقيقية
كونهم بشر فيجب علينا احترامهم وتقديرهم مهما كان مكانهم
او عملهم او اسلوب تفكيرهم المختلف عن اسلوبنا
ليه التهكم بالاخرين اصبح صفة مميزة للشخص الناجح
او علي الاقل الذي يظهر بمظهر الشخص الناجح
ياترى عشان نحجم الشخص المتعالى لازم نسلط الضوء علي نقاط الضعف في شخصيته ونفقده الثقة بنفسه
ياترى لو كل واحد مننا سلط الضوء علي عيوب ونقاط ضعف الاخر هل ستستمر الحياة علي وجه الارض ؟؟
ام اننا سنجد بعد فترة وجيزة ان المسافات بين الاصحاب والزملاء والاحباب وافراد الاسرة الواحدة تتباااااااااعد وتتضااااااعف الي ان يصبح كل شخص مختل نفسيا ولا ندري مايمكن ان يحدث منه بين لحظة واخري؟؟؟
ثم نجد الجميع سائرا بلا اتجاه محدثا نفسه ((( انا مييييييييين ))) ؟؟؟؟؟؟

هناك 4 تعليقات:

  1. زهره التيوليب
    حمدالله على السلامه اولا
    مادمت راضيه عن نفسك وقانعه بما كتب لك فلا تتوقفى امام رأى الاخرين
    مكانك ومكانتك تحت الشمس موجودين هتلاقى حد حقيقى يشوفهم ويحس بيهم
    المهم كونى كبيره امام من يهموك وامام نفسك احنا بنكون كبار بتصرفاتنا مش برأى الاخرين فينا
    تحياتى

    ردحذف
  2. عطش الصبار
    حضرتك نورتي المدونة حقيقي
    ويارب دايما منوراني كده علي طوووووول
    بصراحة انا فعلا غيبت كتير انما مشاغل والله
    اما موضوع البوست فالحمد لله هو محصلش معايا انما للاسف انا صادفته بيحصل امام عيوني لناس كتير
    وكان شيء مستفز جدااااااااا
    خاصة وانك تكوني داخل نقاش وعارفة ابعاد ثقافة كل شخص امامك ومدركة تماما انه يتعالى علي الاخرين ولا تستطيعين احراجه او نصرة الطرف الاخر والذي تعلمين مكانته سواء علمية او ثقافية
    ولهذا اثارت الموضوع بالمدونة

    للاسف كتير منا ان لم يكن كلنا نتعرض لتلك المواقف ولا نستطيع ان نغير شيء
    شرفتني زيارتك جدااااااااااا
    وبانتظارك دائما

    ردحذف
  3. ياترى سمعتى عن نظرية نص اللبة؟ نص اللبة ومزاجها بين الضعاف تبان وتقب ......وحياتك الزمن ده زمن نص اللب كله بيقصر في قشرة التاني عشان يبان انه احسن...واصحاب الانصاص فاكريين نفسهم ياما هنا وهناك.....لو رحتى لطبيب وقالك مين الحمار اللي عالجك قبلى اعرفي انه نص لبة...سباك جالك وقال كدة اعرفي برضة انه نص لبة..نحن في زمن النص لب...خايف بقى اقولك شيلى تاكيد الكلمات تقولى ايه النص لب ده اللي ماشي يبص ده

    ردحذف
  4. تركيب
    اولا اهلا بيك في الدونة ويارب تكون عجبتك
    ثانيا تعليقك فعلا جميييييييييييييل
    حقيقي احنا في زمن النص لبة
    للاسف كل واحد فاكر نفسه مميز وياريته عارف مميز في ايه بالضبط
    كنا ع الاقل احترمنا احساسة ده بالتميز وما بقاش جوانا ضحكات وغمزات عليه منقدرش نطلعها الا نجرحه
    ثالثا حااااااااضر عيوني هاشيل كلمة التاكيد
    بس ابقي زورنا تاني
    منتظريييييييييين

    تحياتي

    ردحذف

زروني كل بوست مرة حرام تنسوني بالمرة ...